E pazakontë në Rusi,vajza 5-vjeçe ushqehet si lopët

E pazakontë në Rusi,vajza 5-vjeçe ushqehet si lopët












Në rajonin rus të Uralit, punëtorët socialë kanë gjetur një vajzë të lënë pasdore, e cila pothuaj që nga lindja ka jetuar me lopë. Këtë vajzë, për të cilën e vetmja lodër ishin mbetjet e cigareve të fikura, prindërit nuk i kanë mundësuar të shkojë në çerdhe, por e kanë mbajtur në shtëpi në pronën e tyre, ku praktikisht at e kanë “edukuar” kafshët.
Prindërit e  pashpirtë e kanë mbyllur vajzën e tyre në dollap, kurse babai e ka rrahur shpesh. Ajo nuk di të flasë, as nuk di të përdorë lugën, pirunin, thikën për të ngrënë, kështu që ushqimin dhe ujin e konsumon sikur kafshët, duke futur turinjtë në enë të ushqimit.
Punëtorët e shërbimit social e kanë dërguar në qendrën rehabilituese, por ata druajnë se pas një abuzimi të tillë shumëvjeçar ajo mbase kurrë nuk do të bëhet fëmijë normal.
Si shkruan gazeta boshnjake Dnevni avaz, ky nuk është rast i vetmuar në këtë rajon rus.
Dimrin e shkuar punëtorët socialë ia morën një çifti të bashkëshortëve fëmijën shtatë muajsh, i cili jetonte në shtëpi të ftohtë dhe ushqehej me mbeturina të patateve dhe trangujve turshi që u mbeteshin prindërve pas ngrënies së drekës.